ازاى اتدرب فى صيدليه؟

ازاي اتدرب ؟:

السؤال ده انا كنت سالته لدكاترة اكبر مني وهقولكم على الخلاصة

الاول تختار الصيدلية الصح اللي هتدرب فيها يعني تكون شغالة وعليها حركة مش تختار صيدلية معزولة وتنزل تدرب فيها

وبعدين خلي عندك ثقة في نفسك وفي امكانياتك وما تخافش من التعامل مع الناس

:70:
نيجي بقى للخطوات العملية .
قسم وقتك في الصيدلية لوقت لدراسة الادوية (80 % من الوقت ) و 20% للتعامل مع الجمهور


اختار مجموعة دوائية معينة مثلا المضادات الحيوية . وابتدي راجع الكلام النظري اللي انت درسته في حدود المادة الفعالة والاستخدام مش الاعراض الجانبية ولا الشكل الكيميائي والكلام الكبير ده


وابتدي طبق الكلام ده على الادوية اللي في الصيدلية

ايه اادواء الي فيه سيفاهيدروكسيل ؟؟!! وايه الشركة اللي بتنتجه ؟؟ وايه البدايل المتاحة في السوق من نفس المادة ثم من نفس العائلة . وايه اشهر المضادات الحيوية . يعني اكيد لازم تعرف الفلومكس ( اكثر دواء مبيعات في مصر في 2005 ) وتعرف الديوروسيف , وتعرف الاوجمنتين ( عشان تيبيع بالغالي ) وتعرف تدرج الاسعار وتدرج الشركات ومثلا ادوية فايزر او ابيكو عاملة ازاي
وتشوف الاشكال الدوائية المحتلفة من اقراص وكبسول وشرب وحقن ولبوس ( مفيش مضاد حيوي لبوس )

وياريت ده يكون في ظرف يوم او يومين بالكتير

وبعدين شوف مجموعة المسكنات وادوية البرد

ادوية الكحة ( ودي بالتجربة والخبرة مش بالعلم )

وشوف ادوية القلب والضغط

وبعدين ادوية السكر والانسولين والتلاجات

وممكن تعمل ايام مخصصة للكريمات واللبوس

حاول تخلص كل ده في اول اسبوع

وبعدين ركز على Otc ومثلا لو حد عنده كذا اديه ايه وهكذا

وفي الاسبوع التاني ابتدي اقرا روشتات كتير واتدرب على صرف الروشتة بسرعة

وان شاء الله خلال اسبوع ل 3 اسابيع تكون صيدلي محترف







التوقيع :

التوقيع:
قال شيخ الإسلام ابن تيمية-رحمه الله-:
"القلوب الصادقة والأدعية الصالحة هي العسكر الذي لا يغلب".



عن ابن عباس رضي الله عنهما قال:
[ من قرأَ القرآن لم يُرَدَّ إلى أرذل العمر ، وذلك قوله تعالى : { ثم رددناه أسفل سافلين إلا الذين آمنوا }
قال : إلا الذين قرؤوا القرآن].
رواه الحاكم وقال صحيح الإسناد وصححه الألباني في " صحيح الترغيب والترهيب ".
ساهمي معنا بالتبليغ عن المشاركات المخالفة بالضغط على هذا